19 ноября/2 декабря 1997 года исполняется 130 лет со дня преставления святителя Московского Филарета - одного из самых замечательных деятелей Русской Православной Церкви XIX столетия. Всем известны его заслуги перед Российским государством и Церковью. Но среди многоразличных дарований святителя хочется выделить удивительный дар проповедничества. Современники сравнивали его со святым Иоанном Златоустом. Он сделал для языка проповеди не меньше, чем Карамзин и Пушкин для языка художественной прозы и поэзии.

Святитель Филарет оставил нам замечательные образцы литургического творчества. Среди них "Молитва на молебном пении по случаю празднования 700-летия Москвы" (1847 год). Молитва, составленная святителем Филаретом, незначительно дополненная, читалась во всех московских храмах и в день празднования 850-летия столицы. Напоминаем текст этой молитвы нашим читателям.

Святитель Московский Филарет

Молитва ко Господу по случаю 850-летия града Москвы

Господи Боже Вседержителю, Словом Твоим утвердивый небеса и Духом уст Твоих всю силу их, положивый светила на тверди небесней в знамения, и во времена, и во дни, и в лета; и бытие видимых созданий Твоих в круги времен заключивый, благословивый начатки времен и числа исполнения их освятивый, воззри на царствующий град Москву, иже помянув осмьсот и пятьдесят лет, протекших над ним, судьбам Твоим чудится и в помышлении о судьбах грядущаго времене пред лицем Твоим, Царю веков, благоговеет. Исповедуем милости Твоя древния, и о настоящих благодарим, и о будущих молим. Славим Твое благодатное избрание и богатый о нас Промысл, яко малую некогда весь во град велий возрастил еси; и угодником Твоим святителем Петром прежде сбытия предвозвестил еси, еже славну быти граду сему во всех градех российских и прославитися Тебе в нем; таже и преносимый престол Православия зде утвердил еси, и корень Единодержавия всероссийскаго зде насадил еси, и престол Царства возвысил еси, и святым Твоим зде пожити и во благоухании святыни почити благоволил еси, ихже молитвами, аки адамантовою стеною, от напастей град сей ограждал еси, и бедствующий вскоре избавлял еси, и в лета безбожнаго гонения, егда святыни, храмы и обители поругани, осквернени и разорени быша, мневшийся погибнути, во дни наша от пепла и разрушения возставляеши и новым благолепием украшаеши. Отче щедрот и Господи милости! Призри благосердием на сие благодарственное исповедание наше и не отстави милости Твоея от нас. Благослови град сей благостию Твоею, и венец прошедших лет его в грядущем да не увядает. Благослови и помилуй Первопрестольника града сего и страны Российския, великаго господина и отца нашего Святейшаго Патриарха Алексия. Обнови и умножи благословения Твоя на властех Российския земли и града сего. Долгоденствие, и благоденствие, и в делех властительских и во всех добродетелех преуспеяние им даруй. Сохрани Церковь Твою Святую неколеблему на основании Твоего Божественнаго слова, на камени апостольския веры, да всякое дерзновенное своемудрие человеческое не прикоснется кивоту Божию. Низпосли, Господи, мир на люди Твоя и на обращающия сердца к Тебе. Да будет близ боящихся Тебе спасение Твое, вселити славу в землю нашу. Милость и истина в ней да сретаются, правда и мир да лобызаются. Не предаждь нас служити суете и неправде, но да призрим на вся заповеди Твоя и не постыдимся. Даруй нам благодать и благую ревность Твоего Вечнаго Царствия и правды его прежде и паче всего искати, да и благая, временному житию потребная, вся приложатся нам, предстательством и покровом Преблагословенныя Приснодевы Богородицы и молитвами святителей Петра, Алексия, Ионы, Макария, Филиппа, Иова, Ермогена, Филарета, Иннокентия и Тихона, с нимиже во общении веры Тебе Единому Триипостасному Богу, Безначальному Отцу и Собезначальному Сыну и Соприсносущному Святому Духу, приносим благодарение, поклонение и славу во веки веков. Аминь.

Источник: Журнал Московской Патриархии, № 11-97